Parıj bıligi Olımpıada kezinde metro bıletiniń baǵasyn eki esege jýyq kóterýge sheshim qabyldady. Iaǵnı onyń quny 2,10 emes, 4 evro bolady, dep habarlaıdy almaty-akshamy.kz Euronews-ke silteme jasap.
Qoǵamdyq kólikti retteıtin Il-de-Frans basshysy Valerı Pekresstiń sózinshe, jergilikti turǵyndar úshin baǵa ózgermeıdi, al qonaqtarǵa bıletti 20 shildege deıin satyp alý usynylady.
Tarıfterdiń qymbattaýy kólik qyzmetine júktemeniń kúrt artatynymen túsindirildi. Ol óńirge 200 mln eýro shyǵyn ákeledi. Osylaısha búdjet shyǵyny týrıserdiń qaltasynan tolyqtyrylady.
«Olımpıada jáne Paralımpıada ótkizýge baılanysty Île-de-France Mobilités kompanıasy kólik qyzmeti kólemin eki ese arttyrady. Qosymsha shyǵyndy Parıj halqynyń moınyna artýǵa bolmaıdy. Sol sebepti jańa jol júrý aqysyn engizbekpiz. Kúnine 16 eýro – ádiletti baǵa. 20 shilde men 8 qyrkúıek aralyǵynda bir aptalyq jol júrý bıleti 70 eýroǵa deıin, metro bıleti – 4 eýro, al qala syrtyna baratyn elektrlik kólikterge 6 eýro bolady», - dedi Pekress beıneúndeýinde.
Boljam boıynsha, 2024 jylǵy Olımpıada oıyndary kezinde Fransıa astanasyna 10 mıllıon týrıs keledi. Parlament esebine saı, óńir 5-10 mıllıard eýro aralyǵynda tabysqa kenelýi múmkin.
Aıta keteıik, Fransıada Jazǵy oıyndar 26 shilde – 11 tamyz aralyǵynda ótedi.