«Kúmis jas» jobasy aıasynda 50 jastan asqan qazaqstandyqtarǵa jańa daǵdylardy ıgerip, odan ári jumysqa ornalasý úshin Skills Enbek platformasynda tegin oqýǵa múmkindik berildi.
Platformada arnaıy bólim eki aı buryn iske qosyldy, osy ýaqyt ishinde oǵan 4,5 myńnan astam adam tirkeldi, onyń 3,2 myńy oqýdy sátti aıaqtap, sertıfıkat aldy, dep habarlaıdy Almaty-akshamy.kz.
Eńbek jine halyqty áleýmettik qorǵaý mınıstrliginiń málimetinshe, kýrstan ótkeni týraly sertıfıkat alynǵan barlyq daǵdylar kórsetilip, Enbek.kz jumysqa ornalastyrý portalyndaǵy túıindemede avtomatty túrde kórsetiledi. Jumys berýshi ózine qajetti jumys izdeýshiniń túıindemesinde qolda bar sertıfıkattar men alǵan daǵdylaryn kóredi.
Múgedektigi bar azamattardyń jeke kómekshisi bolǵysy keletinder jáne múgedektigi nemese sozylmaly aýrýy bar otbasy múshesimen birge erip júretinderge arnalǵan kásiptik kýrstar osy sanattaǵy azamattar arasynda kóbirek suranysqa ıe.
Sonymen qatar, jobaǵa qatysýshylar «Tamaqtaný» baǵyty boıynsha «Aspaz», «Naýbaıhana isiniń negizderi» jáne «Kondıterlik sheberhana» kýrstarynda, «Aýyl sharýashylyǵy» salasynda – «Úırek, qaz ósirý», «Qus sharýashylyǵy», «Jylyjaılarda lımon ósirý» kýrstarynda oqýdy jón kóredi. «Qarjy jáne esep» baǵyty boıynsha azamattardy «Saqtandyrý agenti», «Kasır» jáne «Býhgalter» sıaqty kýrstar qyzyqtyrady.
Esterińizge sala keteıik, Skills Enbek platformasyndaǵy «Kúmis jas» qosymsha paraǵynda aýyl sharýashylyǵy, qarjy, bilim berý, áleýmettik qyzmet kórsetý, marketıń jáne týrızm, aqparattyq tehnologıalar, energetıka sıaqty baǵyttar boıynsha 130-dan astam kýrs bar.