Parlamenttik saılaýǵa 25 mlrd teńgege jýyq qarajat bólinedi.
Úkimet rezervinen merziminen buryn Prezıdent saılaýyn ótkizýge 20 mlrd teńgege jýyq, al parlamenttik saılaýǵa 25 mlrd teńgege jýyq qarajat bólinedi.
Bul týraly Májilis kýlýarynda qarjy vıse-mınıstri Tatána Saveleva aıtty, dep habarlaıdy Almaty-akshamy.kz Inbusiness.kz silteme jasap.
«Prezıdenttik saılaý 2024 jyly josparlanǵan jáne olar 2024 jylǵa arnalǵan búdjette qarastyrylǵan. Biraq, ózgerister men jańa tapsyrmalardy eskere otyryp, bıyl Úkimet rezervinen aqsha bólinetin bolady. Qazir Ortalyq saılaý komısıasy esep júrgizýde. Bul shamamen 20 mlrd teńge. Parlamenttik saılaýǵa shamamen birdeı shyǵyndar qarastyrylǵan. Biraq ETJ (eń tómengi jalaqy – avt.) kelesi jyly 70 myń teńge bolatynyn eskersek, shamamen 25 mlrd teńge bolady», - dep habarlady Saveleva.
Onyń aıtýynsha, saılaý shyǵyndarynyń artýy eń tómengi jalaqynyń ósýine baılanysty, al saılaýǵa baılanysty barlyq shyǵystardyń 90% - y saılaý komısıasy músheleriniń jalaqysy bolyp tabylady. Eger 2019 jylǵy saılaý kezinde ETJ 42500 teńgeni qurasa, bul joly bul kórsetkish 60 myń teńgege jetedi. Sonymen qatar, eger ótken saılaýda 65 myń adam jumys istese, onda olardyń sany 70 myńǵa deıin artady.