Taldyqorǵan qalasyndaǵy desanttyq-shabýyldaý brıgadasynyń áskerı qyzmetshileri 800 metr bıiktikten parashútpen sekirýdi oryndady, dep habarlaıdy aqshamnews.kz
Bólim komandıriniń áýe-desanttyq daıyndyq jónindegi orynbasary podpolkovnık Danıar Sydyqov atap ótkendeı, parashútpen sekirý desanttyq-shabýyldaý bólimsheleriniń jaýyngerlik daıarlyq baǵdarlamasyna kiredi.
– Sekirýge jiberilgen barlyq áskerı qyzmetshiler aldyn ala daıyndyqtan ótti. Parashútti retke keltirý, áýedegi jáne qoný kezindegi is-qımyldardy egjeı-tegjeıli zerdeledi, – dedi podpolkovnık D. Sydyqov.
Arnaıy áýe-desanttyq kesheninde jattyqqan desantshylardyń moraldyq-psıhologıalyq jaǵdaıyn psıhologtar baǵalady.
– Mı-17 tikushaǵynyń bortynda birlese tolqyp, birese boıymdy maqtanysh sezimi kernedi. Parashútpen sekirgende ózimdi naǵyz desantshy sezindim. Bul bıiktikten tómenge quldılaý sátin eshqashan umytpaıtyn shyǵarmyn, – dedi kishi serjant Erjan Luqpan.
Parashútpen sekirý – áýe-desanttyq daıyndyǵynyń eń kúrdeli ári jaýapty kezeńi. Onyń sátti oryndalýy joǵary sheberlikti, nusqaýlyq erejelerin buljytpaı saqtaýdy, batyldyqty qajet etedi.