Respýblıka kúnine oraı jolaýshylar aǵynynyń artýyna baılanysty "Jolaýshylar tasymaly" AQ qosymsha poıyzdardy iske qosady, dep habarlaıdy aqshamnews.kz "QTJ"-ǵa silteme jasap.
Ulttyq tasymaldaýshynyń habarlaýynsha, qosymsha poıyzdar myna baǵyttar boıynsha júredi:
"Aqtóbe-SHalqar" baǵyty boıynsha №630/629 poıyz 2024 jyldyń 22 qazanynan bastap eki kúnde bir ret júredi;
"Astana-SHymkent" baǵyty boıynsha №204 poıyz 2024 jyldyń 21 qazanynan bastap kún saıyn júredi;
"Shymkent-Almaty" baǵyty boıynsha №216 poıyz 2024 jyldyń 22 qazanynan bastap kún saıyn júredi;
"Almaty-Astana" baǵyty boıynsha №201 poıyz 2024 jyldyń 23 qazanynan bastap kún saıyn júredi.
Kompanıadaǵylar poıyzdarǵa ártúrli qyzmet kórsetý dárejesindegi vagondar, sonyń ishinde kýpe jáne plaskart vagondar kiretinin habarlady.
Sondaı-aq qala mańy baǵytynda 2024 jyldyń 25 jáne 27 qazanynda "Qaraǵandy-Astana" júrdek elektr poıyzynyń baǵyty Býrabaı kýrort stansıasyna deıin uzartylady.
№7553/6811/6812/7556 "Qaraǵandy-Astana-Býrabaı kýrorty" elektr poıyzynyń baǵyty:
Astanadan shyǵý 10:40, Býrabaıǵa kelý 13:15;
Býrabaıdan qaıtý 14:10, Astanaǵa kelý 17:00.
Sonymen qatar 2024 jyldyń 25, 26 jáne 27 qazanynda "Ereımentaý-Astana-Kókshetaý" baǵyty boıynsha №6831/6829/6830/6832 elektr poıyzynyń quramy qosymsha vagondarmen tolyqtyrylady.