Mereke kúnderi jumys isteý adamnyń densaýlyǵyna keri áser etýi múmkin.
Bul týraly Reseı Densaýlyq saqtaý mınıstrligine qarasty V.P. Serbskıı atyndaǵy Ulttyq psıhıatrıa jáne narkologıa ǵylymı-zertteý ortalyǵynyń mamany Ivan Rozanov málimdedi, dep habarlaıdy aqshamnews.kz.
Mamannyń aıtýynsha, merekeler — adamnyń tynyǵýyna, emosıalyq qalpyn qalpyna keltirýine jáne jaqyndarymen qarym-qatynasyn nyǵaıtýǵa múmkindik beretin mańyzdy kezeń. Al bul kúnderi jumys isteý adam aǵzasynyń beıimdelý múmkindikterin álsiretip, kúızeliske qarsy turý qabiletin tómendetedi.
Rozanov merekeniń tipti soǵys kezinde de atap ótiletinin eske salyp, qazirgi qoǵamda bul kúnder gadjetterden alystap, uıqyny qalpyna keltirip, súıikti ispen aınalysýǵa múmkindik beretinin atap ótti. Mundaı áreketter júıke júıesin tynyqtyryp, adamnyń jalpy psıhıkalyq jaǵdaıyn jaqsartady.
Ǵalymdar adamnyń ómirinde birsaryndylyqtyń (monotondyqtyń) jıi kezdesetinin, al ol óz kezeginde uzaq merzimdi kúızeliske alyp kelýi múmkin ekenin aıtady. Mereke kúnderi — osy birsaryndylyqty buzyp, adamnyń ómirge degen qyzyǵýshylyǵyn arttyrýdyń bir joly.
Sondaı-aq mereke kezindegi qýanysh pen jaǵymdy emosıalar aǵzada serotonın men dofamın sıaqty «baqyt gormondarynyń» bólinýine yqpal etip, motıvasıa men ómirlik belsendilikti arttyrady. Tabıǵat aıasynda, jaqyndarmen birge ótkizilgen ýaqyt mı qyzmetin jaqsartyp, zeıindilikti kúsheıtedi.