Almaty qalasy Alataý aýdany Shańyraq-2 yqshamaýdanynda ornalasqan №26 jalpy bilim beretin mektepte til merekesiniń qarsańynda «Meniń tilim – uly dala rýhy» atty jas urpaqty ana tiliniń qadir-qasıetin túsinýge, Memlekettik til mártebesin kóterip, til tazalyǵyn saqtap, mádenıetti sóıleýge tárbıeleıtin. is-shara ótti.
Sharaǵa T.Júrgenov atyndaǵy Ulttyq Óner akademıasynyń stýdentteri, ál-Farabı atyndaǵy Qazaq Ulttyq ýnıversıtetiniń stýdentteri jáne mektep oqýshylary qatysty. Oqýshylar O.Bókeıdiń «Qasqyr ulyǵan túnde» shyǵarmasyn kórermen nazaryna usyndy. Mektep túlegi Ibrahım Birlik M.Maqataevtyń «Atameken» óleńin oqyp, mektep oqýshylary Abaı Qunanbaev, Ahmet Baıtursynuly, Maǵjan Jumabaev, Muhtar Shahanov beınelerin somdap, tildiń qasıetin oqýshylar nazaryna usyndy.
Keshti uıymdastyrýǵa qazaq tili men ádebıeti páni birlestiginiń jetekshisi Namazımanova Ádemi, qazaq tili men ádebıeti páni muǵalimderi: Jaqanova Nazym, Estemesova Araılym, Pralıeva Indıra, Bekjigitov Serik, Abdanbaı Názıra belsene qatysty.