«Joqtaý» – Arýan Anartaevtyń debúttik tolyqmetrajdy fılmi.
Rejıser 2020 jyly «Ystyq kól» atty alǵashqy qysqametrajdy fılmin de Kınoortalyqtyń kómegimen túsirgen, dep habarlaıdy Almaty-akshamy.kz.
Jańa kartına uzaq ýaqyt boıy shetelde ómir súrip júrgen jáne ózin naǵyz sheteldik azamat sezinetin jas qazaqstandyq ǵalymnyń tarıhyn baıandaıdy. Kúnderdiń kúninde taǵdyryn aıqyndaıtyn sheshim qabyldamas buryn, ol týǵan jerine mańyzdy saıahat jasaý úshin oralady…
«Bul ár kórermenge áser ete alatyn óte jeke oqıǵa. Óıtkeni, fılm kóteretin «biz kimbiz, qaıdan kelemiz jáne qaıda baramyz?» degen suraqtar ár adamnyń júreginde oryn alǵan», - deıdi kartınanyń prodúseri Arýjan Dosymqoja.
Basty rólderde Ermek Shynbolatov, Isbek Ábilmajınov jáne Irına Barkova oınaıdy. Kameranyń tizginin qazaq kınosyndaǵy azǵana operator qyzdardyń biri – Aıgúl Nurbolatova ustady. Qoıýshy-sýretshi – Aıana Nurdınova. Fılmniń prodúserleri – Arýjan Dosymqoja jáne Aleksandra Sytnık. Fılmniń kompozıtory Sanjar Báıterekov.
Fılmniń túsirilimi ótken jyldyń kúzinde ótti. Kınokartınanyń avtorlary týyndyny halyqaralyq festıválderge jiberýdi josparlap otyr.
«Joqtaý» tolyqmetrajdy kórkem fılmi «Ulttyq kınony qoldaýdyń memlekettik ortalyǵy» KEAQ kómegimen túsirildi.
