Jańa oqý jylynda Almaty qalasynyń, sondaı-aq Jetisý men Almaty oblystarynyń orta bilim berý uıymdarynda «Meniń baýyrym» volonterlik jobasyn júzege asyrý jalǵasady.
Jobaǵa 20 JOO men kolejderden 2000-ǵa jýyq erikti stýdent qatysýda, dep habarlaıdy aqshamnews.kz.
«Stýdentter oqý, IT jáne qarjylyq saýattylyǵyn damytýǵa, STEAM daǵdylaryn, buqaralyq sportty jáne salaýatty ómir saltyn qalyptastyrýǵa qatysady. Sondaı-aq tótenshe jáne shuǵyl jaǵdaılar kezinde ózin-ózi ustaý erejelerin úıretýge basymdyq beriledi», - dep atap ótti Balalardyń quqyqtaryn qorǵaý komıteti tóraǵasynyń orynbasary Iýlıa Ovechkına.
Aıta keteıik, «Meniń baýyrym» jobasy ótken jyldyń qarasha aıynda QR Oqý-aǵartý mınıstrligi men Ǵylym jáne joǵary bilim mınıstrliginiń bastamasymen jasóspirimderge túrli qyzmet salalary týraly aqparat usyna otyryp, bolashaq kásibin anyqtaýǵa kómektesý maqsatynda iske qosylǵan bolatyn.