Almatylyq zeınetkerler uzaq ómir súrý festıvalinde óz talanttaryn ashady, dep habarlaıdy aqshamnews.kz
Almatyda qarttar aılyǵy aıasynda «Asyl qazynam» uzaq ómir súrý festıvali ótti. Almaty qalasy Jumyspen qamtý jáne áleýmettik baǵdarlamalar basqarmasynyń Belsendi uzaq ómir súrý ortalyǵynyń qyzmet alýshylary jarqyn konserttik baǵdarlama usyndy: ulttyq kıim úlgileriniń kórsetilimi, bı ujymdarynyń, dombyra orkestriniń, teatrlandyrylǵan jáne sporttyq qoıylymdardyń kórinisteri boldy.
Úlken sahnada zeınetkerler — Italıa, Túrkıa, Qyrǵyzstan jáne basqa elderdegi halyqaralyq baıqaýlardyń birneshe dúrkin júldegerleri óner kórsetti, sondaı-aq qatysýshylardyń shyǵarmashylyq jumystarynyń kórmesi uıymdastyryldy.
Almatyda ákimniń tapsyrmasy boıynsha 2022 jyldan bastap «Belsendi uzaq ómir súrý» jobasy sátti júzege asyrylyp keledi. Qalada kún saıyn 500-den astam zeınetker baratyn 15 belsendi uzaq ómir súrý ortalyǵy ashyldy. Aıta ketý kerek, 2024 jyly qalanyń Bostandyq jáne Medeý aýdandarynda qosymsha 3 Belsendi uzaq ómir súrý ortalyǵy ashyldy.
Osyndaı ortalyqtardyń birine 66 jastaǵy Mádıa Baısabaeva da barady. Ol ómir boıy óndiriste jumys istep, ózine ýaqyt pen hobbıi árqashan jetispeıtin. Zeınetke shyqqan soń, úı sharýasymen aınalysyp, nemeresin tárbıeledi.
«Meni ortalyqqa bir dosym shaqyrdy. Biz baryp, jazyldyq jáne birden sabaqqa qatystyq. Maǵan óte unady. Bastapqyda men ortalyqqa tek qarym-qatynas jasaý úshin bardym», — deıdi Mádıa Áshirbaıqyzy.
Ortalyqtaǵy sabaqtar tek qana oıyn-saýyq emes, sonymen qatar oǵan qıyn ómirlik jaǵdaılardy jeńýge de kómektesti.
«Qyzym qatty aýyryp qalǵan kez boldy. Men qatty ýaıymdadym, kúndiz-túni uıyqtamadym, densaýlyǵym nasharlady. Men ortalyqqa jıi baryp, sabaqqa qatysa bastadym, jáne birtindep bári óz ornyna keldi, qyzym jaqsardy. Qazir oılap qarasam, mundaı qıyn kezeńdi depressıasyz ótkergenime tańdanamyn. Munyń bári Belsendi uzaq ómir súrý ortalyǵynyń arqasynda boldy. Ol jerde qaıǵyrýǵa ýaqyt bolmady, men belsendi ómir súrdim», — dep eske alady zeınetker.
Sonymen qatar, Mádıa Áshirbaıqyzy ortalyqta kópten bergi armany oryndalǵanyn aıtty. Qazir ol teatr úıirmesine qatysyp, váls bılep, túrli konkýrstar men qoıylymdarǵa qatysady. Búgin ol «Qazaqkonsert» sahnasynda óner kórsetip, kórermenderdiń qoshemetine bólendi.
«Men árqashan úlken sahnada óner kórsetýdi armandaıtynmyn, biraq bul maǵan múmkin emes, oryndalmaıtyn arman sıaqty kórindi. Al alǵash ret sahnada óner kórsetken kezde tań qaldym. Men eshqashan bıdi óner dep oılaǵan emespin. Kesh te bolsa, armanym oryndaldy!», — dep oıymen bólisti Mádıa Baısabaeva.
Zeınetker qala ákimdigine jasyna qaramastan belsendi ómir súrýge múmkindik bergeni úshin alǵysyn bildirdi.
«Biz bárimiz súıikti ispen aınalysamyz, oryndyqtarda otyrmaımyz, ómirge rızamyz, damýdy jalǵastyramyz, úırenemiz, densaýlyǵymyzdy baqylaımyz, bıleımiz. Biz shabyttanamyz, qýattanamyz, barlyq jaqyndarymyz bizdi qoldaıdy», — deıdi ol.
Almatydaǵy Belsendi uzaq ómir súrý ortalyǵynyń dırektory Sáýle Beketaeva «Asyl qazynam» uzaq ómir súrý festıvaliniń tabysty ótkenin atap ótti:
«Festıvál kezinde sahnada birde-bir kásibı estradalyq bıshi nemese ánshi bolǵan joq, bul festıvál tek Belsendi uzaq ómir súrý ortalyǵy men onyń bólimsheleriniń shyǵarmashylyq ujymdarynyń qatysýymen ótti. Festıválden keıin kóptegen adamdar ortalyqtarǵa kelgisi keldi. Uzaq ómir súrý ortalyqtarynyń arqasynda qaladaǵy ómir súrý uzaqtyǵy artyp, sońǵy 25 jylda rekordtyq kórsetkishke jetti: Almaty boıynsha — 78 jyl, respýblıka boıynsha — 75 jyl. Bul kóp nárseni ańǵartady», — dedi Sáýle Beketaeva.
Esterińizge sala keteıik, Belsendi uzaq ómir súrý ortalyqtarynyń jumysy zeınetkerlerdi fızıkalyq jáne psıhıkalyq densaýlyǵyn uzaq saqtap, mádenı, shyǵarmashylyq, sporttyq jáne iskerlik ómirge aralasýǵa baǵyttalǵan. Ortalyqtardyń fılıaldary qalanyń ár aýdanynda bar, onda bilikti mamandar men nusqaýshylar 40-tan astam áleýmettik qyzmet túrin tegin kórsetedi.