Mektebimizde «BALANEWS.KZ» jýrnalynyń tusaýkeser saltanaty ótti. Saltanatty sharanyń qurmetti qonaǵy – Qazaqstan Jýrnalıser odaǵynyń múshesi, «Aq jelken» jýrnalynyń bas redaktory Eseı Jeńisuly boldy. Tusaýkeser rásiminde dástúr boıynsha №202 mektep-gımnazıa dırektory Bolat Janaıhan sóz sóılep, Eseı Jeńisulymen birge qyzyl lentany qıdy. Qýanyshqa arnalǵan shashý shashylyp, aq batalar berildi.
Redaksıa alqasynyń maqsaty – jýrnal arqyly mektep oqýshylarynyń shyǵarmashylyq qabiletin, otansúıgishtik sezimin, ásemdikke degen qumarlyǵyn damytý. Mektebimizde kóptegen talantty jetkinshekter bar, solardyń jazǵan-syzǵan týyndylary, ǵylymı-zertteý eńbekteri, qurastyrǵan damytý oıyndary, tipti erekshe ázilderi de gazet betinde jarıalanady. «BALANEWS.KZ» balalardy dástúrli qundylyqtarǵa – úlkendi syılaýǵa, mektep pen ustazdy qurmetteýge, kishige qamqor bolýǵa, eń bastysy, qoǵamnyń eń úlken baılyǵy – adam ekenin túsinýge shaqyrady.
Almaty qalasynyń mektepterinde óz basylymdaryn shyǵarý úrdisi birazdan beri jalǵasyp keledi. Qala boıynsha úsh mektepte ǵana óz tól basylymy bar, olardyń qataryna endi «BALANEWS.KZ» jýrnaly da qosyldy.
«BALANEWS.KZ» jýrnalyna alar asýlary, baǵyndyrar belesteri kóp bolsyn! Bıikterden kórine ber!