Jelide jeńip alǵan medalin joǵaltqanyn aıtyp, jylap turǵan balaǵa óz medalin bergen jattyqtyrýshynyń vıdeosy tarap kópshilikti alǵysyna bólendi, dep habarlaıdy almaty-akshamy.kz
Vıdeoda jeti jasar fýtbolshy jattyqtyrýshyǵa jarysta jeńip alǵan medalin joǵaltqanyn aıtyp, jylap tur. Tálimger balany toqtatyp, oǵan "Men sıaqty jattyqtyrýshyń bar kezde jylama, jylama» degen sózdermen óz syılyǵyn beredi.
Vıdeodaǵy fýtbol akademıasynyń dırektory jáne jattyqtyrýshysy Dosqan Qarasaev bolyp shyqty, ol 5 jastan 13 jasqa deıingi balalardy jattyqtyrady.
Ol komandanyń 16-17 qyrkúıekte Qyzylordada ótken jarystan kele jatqanyn aıtqan. Dosqannyń tárbıelenýshileri birden tórt jas tobynda birinshi orynǵa ıe boldy.
«Artýrdyń meniń tobyma kelgenine 5 aı boldy jáne ol bizdiń toptaǵy eń kenjesi, bul onyń alǵash ret jarysqa barýy bolatyn. Joldyń sońynda ákimshi kelip, Artýr medalin joǵaltyp alǵanyn aıtty. Biz ony izdedik, biraq taba almadyq. Biz poıyzdan túskeli jatqanda, men onyń jylap jatqanyn baıqadym. Men qasyma ony shaqyrdym jáne oǵan osy týrnırde úzdik jattyqtyrýshy retinde alǵan medalimdi berýdi sheshtim. Men onyń kóńili qalǵanyn kórip, anasynyń ony medalsyz qarsy alǵanyn qalamadym. Men oǵan medaldi bergende, onyń kózinen qýanysh kórdim. Bul sát maǵan jattyqtyrýshylar retinde tek tálimger ǵana emes, sonymen qatar tárbıelenýshilerimizdiń dosy men ákesindeı bolýymyz kerek ekenin eske saldy».
Jeli paıdalanýshylary jattyqtyrýshynyń meıirimge toly «keń júregi» úshin alǵys aıtty.