Olar AITU ulttyq messendjerine kóshýi kerek, dep habarlaıdy aqshamnews.kz
Búgin úkimette prezıdenttiń tapsyrmalaryn júzege asyrý jónindegi Sıfrlyq shtabtyń otyrysyn ótkizgen Oljas Bektenov 15 qyrkúıekke deıin memlekettik organdardyń qyzmetkerlerin AITU ulttyq messendjerine kóshirý týraly tapsyrma berdi.
Aıta keteıik, shtab otyrysynyń kún tártibinde tórt másele qaralǵan. Sıfrlyq damý, ınovasıalar jáne aeroǵarysh ónerkásibi mınıstri Jaslan Mádıev baıandama jasaǵan. Shtab mynandaı tórt mańyzdy sheshim qabyldaǵan:
memlekettik organdardyń aqparattyq júıelerin ıntegrasıalaýdyń keshendi josparyn bekitti;
jasandy ıntellekt derekter massıvterimen jumys isteý reglamenti jáne ony júzege asyrý jónindegi jospardy bekitti.
Smart Data Ukimet boıynsha memlekettik derekterdi biriktirý boıynsha jumystardy aıaqtaý merzimderi anyqtaldy. Jańa heshteý ádisin qoldanatyn ıntegrasıa bıylǵy 1 qyrkúıeginde aıaqtalýy kerek, al barlyq derekter osy jyldyń 1 jeltoqsanyna deıin platformaǵa berilýi kerek;
osy jyldyń 15 qyrkúıegine deıin memlekettik organdar qyzmetkerleriniń AITU ulttyq messendjerine kóshirý týraly sheshim qabyldandy.
«Memleket basshysy Qazaqstan Eýrazıadaǵy sıfrlyq habqa aınalýy tıis degen maqsatty alǵa qoıyp otyr. Naqty mindetter belgilendi. Búgingi tańda Sıfrlyq shtab barlyq memlekettik organ men uıymdar úshin mindetti sheshimder qabyldady. Nátıje aqparattyq qaýipsizdikti jaqsartýǵa jáne memlekettik apparattyń tıimdiligin arttyrýǵa baǵyttalǵan», - dedi Bektenov.