Olar qaıtarymsyz nesıe alyp, óz bıznesin bastaǵan.
Almaty oblysynyń turǵyndary óz kásibin bastap, damytý úshin arnaıy kýrstardan bilim alyp, memlekettik qoldaýǵa ıe bolyp otyr, dep habarlaıdy Almaty-akshamy.kz.
Óz kásibin bastaǵandar qatarynda Qarasaı aýdanynyń turǵyny Ǵalıa Qojambergenova da bar. Mamandyǵy boıynsha ınjener-qurylysshy bolsa da, tigin isine qyzyǵýshylyq tanytyp, súıikti isine aınaldyrdy. Memlekettik baǵdarlama aıasynda qaıtarymsyz nesıe alyp, óziniń tigin sehyn ashty. Oblys boıynsha «Eńbek» baǵdarlamasy aıasynda myńnan asa bıznes joba qaıtarymsyz grant nemese jeńildetilgen nesıe alǵan.
«Kásipkerler palatasy Qarasaı aýdandyq fılıaly dırektory Orynbaı Janádildiń bergen málimetine súıensek, bıylǵy jyly Qarasaı aýdanynda «Bastaý Bıznes» jobasy boıynsha 484 aýdan turǵyny oqyp, onyń ishinen 70 bıznes-joba qarjylandyryldy»,– delingen Almaty oblysynyń ákimdigi baspasóz qyzmetiniń habarlamasynda.
Aıta keterligi, Almaty oblysynda jyl basynan beri Nátıjeli jumyspen qamtýdy jáne jappaı kásipkerlikti damytý memlekettik «Eńbek» baǵdarlamasy aıasynda 2895 jumyssyz jas «Bastaý Bıznes» jobasy boıynsha kásipkerlik negizderin oqydy. Ótken jáne bıylǵy jyldyń kýrs tyńdaýshylaryn qosa alǵanda, 1050 bıznes-joba grantpen qarjylandyrylyp, jeńildetilgen nesıe aldy.
