Eger jumys júıeli júrgizilse, taýar men qyzmet kórsetý sapasy da jaqsarar edi
Memleket ózine qajettiń bárin – qyzmetti, taýardy, áleýmettik jobalardy osy memlekettik tapsyrysty berý arqyly retteıdi.
Memlekettik tapsyrys – memlekettiń qarjysyn jumsaýdyń birden-bir mehanızmi. Qazirgi tańda kez kelgen memlekettik mekeme sypyrǵy kerek bolsa da, memtapsyrysty paıdalanyp, tender jarıalaıdy. Qarjy osy memtapsyrys arqyly aınalyp jatyr. Eger osy júıe sapaly jumys isteıtin bolsa, sapaly qyzmet kórsetiledi, sapaly taýar alynady.
Joldaýda «Memlekettik satyp alý týraly» jańa zań qabyldanýǵa tıis dep aıtyldy. Qazir kóptegen joba keıbir kásipkerler men sheneýnikterdiń maıshelpegine aınaldy. Kelisim-sharttar ashyq jáne konkýrstyq negizde jasalýǵa tıis. Osy maqsatta tıisti zań qabyldaý qajet. Joldaýdyń osy bóligi oryndalsa, qoǵamda aıtarlyqtaı ózgeris oryn alatynyna senýge bolady.