Baqytjan Baıqadamov atyndaǵy Memlekettik hor kapelasy 1935 jyly Dmıtrıı Masýsınnyń basqarýymen Jambyl atyndaǵy Qazaq memlekettik akademıalyq fılarmonıasy qabyrǵasynda shaǵyn hor bolyp quryldy. Alǵashqy kezeńde hor ujymyna 1959 jyldan 1991 jylǵa deıin KSRO halyq ártisi Anatolıı Vasılevıch Molodov basqardy. Osy jyldar arasynda kapelanyń elimizde hor janrynyń damý jolynda atqarǵan qyzmeti eskerilip, 1967 jyly «Qazaqstannyń eńbek sińirgen ujymy» ataǵyn ıelendi.
Bıyl B.Baıqadamov atyndaǵy Memlekettik hor kapelasynda uzaq jyldar boıy eńbek etip, elimizde hor óneriniń damýy jolynda óziniń zor úlesin qosqan KSRO halyq ártisi, Memlekettik syılyqtyń laýreaty, profesor Anatolıı Molodovtyń 95 jyldyǵyna arnalyp, Jambyl atyndaǵy fılarmonıasynyń úlken zalynda konsert-festıval ótti. Keshte Memlekettik hor kapelasymen birge Astana qalasynan kelgen E.Rahmadıev atyndaǵy Memlekettik akademıalyq fılarmonıasynyń kameralyq hory, Qurmanǵazy atyndaǵy QUK aralas hory, qalamyzdyń №79 mektep gımnazıasynan kelgen “Báıterek” balalar hory óner kórsetti.
Kesh barysynda Anatolıı Molodovtyń shákirtteri bolǵan, búginde atalǵan hor ujymdarynyń kórkemdik jetekshisi ári bas dırıjeri – Elena Baıysbaeva, Qazaqstannyń eńbek sińirgen qaıratkerleri - Ian Rýdkovskıı, Gýlmıra Quttybadamova, Beıimbet Demeýov ustazdarynyń hor óneri jolyndaǵy eńbegi týraly estelik áńgimelerimen bólisti.
Qazaqstannyń eńbek sińirgen qaıratkeri - Gúlmıra Quttybadamova:
-«Anatolıı Vasılevıch - qazaq hor ónerin jańa sapalyq kezeńge shyǵarǵan alǵashqy hor dırıjeri boldy desem artyq aıtqanym emes. Al, onyń shákirt tárbıeleý tehnıkasy jadymyzda. Vokaldyq jáne hor mádenıetin meńgerý boıynsha solfedjıo sabaqtary kapelada kúndelikti ótetin. Sonyń arqasynda kapela úlken ujym bolyp qalyptasty. Qazaqstan kompozıtorlarynyń hor ónerindegi naǵyz shyǵarmashylyq zerthanasy bolyp qalyptasqan hor kapelasy - kantatalardyń, oratorıalardyń, hor súıtalary men mınıatúralarynyń tuńǵysh oryndaýshysy, respýblıkada ǵana emes, búkil Keńes Odaǵynda moıyndalǵan ujym. Qazaq óneriniń tarıhı kezeńindegi Molodovtyń esimi atalǵan barlyq oqıǵalar, atqarylǵan eńbekter Qazaqstannyń hor óneriniń damý satysyndaǵy sátti kórinisi etip beınelenedi. Onyń jetekshiligimen Memlekettik hor kapelasy Respýblıkanyń eńbek sińirgen ansambli ataǵyn aldy».
Konsert baǵdarlamasynda A.Molodovtyń horǵa óńdegen «Qos alqa», «Qarlyǵash» , «Sholpan», «Arys jaǵasynda» atty úzdik shyǵarmalary oryndaldy. Kesh sońynda festıválde óner kórsetken ujymdarǵa Jambyl atyndaǵy fılarmonıasynyń ákimshiligi atynan rızashylyq bildirilip, arnaıy alǵys hat tabys etti. 95 jylmen quttyqtap kelgen tyńdarman hor ujymyna óz rızashylyqtaryn bildirip, ystyq qoshemetke bóledi.