Qazaqstanda otandyq óndirýshilerdi qoldaýdyń mańyzdy quraldarynyń biri retinde memlekettik satyp alýlar júıesi qalyptasqan.
Bul tásil hımıa ónerkásibinde birqatar oń nátıjelerge ákeldi. Memlekettik tapsyrystardy ornalastyrý kezinde qazaqstandyq kompanıalarǵa basymdyq berilýi ishki óndiris kólemin arttyrýǵa, ımportqa táýeldilikti azaıtýǵa jáne óndiristik qýattardy jańǵyrtýǵa múmkindik berdi.
Ónerkásip salasynda iske asyrylǵan zańnamalyq bastamalardan basqa, hımıa salasyna oń áser etken birqatar naqty normalar qabyldanǵan.
- memlekettik satyp alý kezinde ulttyq rejımnen alý nátıjesinde ótken jyly lak boıaý materıaldary, turmystyq hımıa jáne jaǵar maılar óndirisiniń kólemi 30%-ǵa ósti.
- Sonymen birge sýbsıdıalanǵan tyńaıtqyshtardy elden zańsyz shyǵarylýyn toqtatý úshin amofos, selıtra sıaqty mańyzdy tyńaıtqyshtardyń (QazAzot, Qazfosfat) eksporty lısenzıa berý arqyly retteldi. Bul shara baǵany turaqtandyrýǵa jáne jergilikti fermerlerge tyńaıtqysh jetkizýdi arttyrýǵa yqpal etti.
Alǵashqy toqsan qorytyndysy boıynsha ónim kólemi 12,5% paıyzǵa ósip, 406 mıllıard teńgeni qurady. Ósim polıpropılen jáne ýran qosylystary óndirisiniń ulǵaıýymen baılanysty.
Búginde hımıa salasynda 49 joba iske asyrylýda. Olardyń negizgileri munaı jáne metalýrgıa salasyna qajet hımıalyq ónimderdi shyǵarýǵa baǵyttalǵan.