Mınıstrliktiń baseındik ınspeksıalary 2025 jyldyń basynan bastap 13 tekserý júrgizip, nátıjesinde 8 zańbuzýshylyq anyqtaldy
Jyl basynan beri sý zańnamasyn buzǵan tulǵalardan jalpy somasy 2,9 mln teńgege 18 ákimshilik aıyppul óndirildi, dep habarlady sý resýrstary jáne ırrıgasıa mınıstrligi.
Al 2025 jyldyń basynan beri sýdy zańsyz paıdalaný faktileri boıynsha jalpy somasy 6,4 mln teńgege 35 ákimshilik aıyppul salyndy. Onyń ishinde jospardan tys tekserý nátıjeleri boıynsha 1,4 mln teńge somasyna 12 ákimshilik aıyppul salyndy, al quqyq qorǵaý jáne memlekettik organdardan túsken materıaldar boıynsha 5 mln teńgege 23 ákimshilik aıyppul salyndy.
Mınıstrliktiń baseındik ınspeksıalary 2025 jyldyń basynan bastap 13 tekserý júrgizip, nátıjesinde 8 zańbuzýshylyq anyqtaldy. Bul zańbuzýshylyqtardy joıý úshin 7 uıǵarym berildi.
Sý sharýashylyǵy salasyndaǵy zańbuzýshylyqtardy anyqtaý maqsatynda byltyr mınıstrlik janynan sý resýrstaryn retteý, qorǵaý jáne paıdalaný komıteti qurylǵan bolatyn. Nátıjesinde sý ınspektorlarynyń sany 98 adamnan 210-ǵa deıin artty.
"Oǵan qosa, zańnamaǵa da ózgerister engizildi. Jańa Sý kodeksinde baseındik ınspeksıalarǵa baqylaý júrgizý quzyreti berildi. Qujat kúshine engennen keıin olar shuǵyl áreket etý sharalaryn qabyldaı alady. Sonymen qatar Ákimshilik quqyq buzýshylyqtar týraly kodekske de ózgerister engizilip, sý salasyndaǵy zańbuzýshylyqtar úshin jaýapkershilik kúsheıtildi", – dedi sý resýrstary jáne ırrıgasıa vıse-mınıstri Nurlan Aldamjarov.
2024 jyly sý zańnamasyn buzǵandardan jalpy somasy 44,5 mln teńge bolatyn 556 ákimshilik aıyppul óndirilgen. Sondaı-aq baseındik ınspeksıalar 439 tekserý júrgizip, onyń barysynda 1855 zań buzýshylyq anyqtaldy.