Memleket basshysy Qasym-Jomart Toqaev elimizge memlekettik saparmen kelgen Germanıanyń Federaldy Prezıdenti Frank-Valter Shtaınmaıerdi Aqordada qarsy aldy.
Mártebeli meımannyń saparyna oraı Saltanatty rásimder zalynda qurmet qaraýyly sap túzep, onyń bastyǵy Memleket basshylaryna sálemdik baıanat berdi, dep habarlaıdy Almaty-akshamy.kz.
Osydan keıin Prezıdenttik orkestr eki eldiń memlekettik ánurandaryn oryndady. Ánurandardy tyńdap bolǵannan keıin Frank-Valter Shtaınmaıer men Qasym-Jomart Toqaev kilemshe boıymen Qazaqstan Respýblıkasynyń Memlekettik Týyna qaraı júrdi. Onyń aldyna kelgende meıman toqtap, basyn sál ıip, óziniń qurmetin bildirdi. Sonan soń meıman men Prezıdent qurmetti qaraýyl sapynyń boıymen júrdi. Germanıanyń Federaldy Prezıdenti qurmetti qaraýyl bastyǵymen qoshtasyp, Qazaqstan Prezıdentimen shaǵyn quramdaǵy kezdesýge ótti.
Sapar aıasynda eki memleket basshylary Qazaqstan-Germanıa strategıalyq seriktestigin nyǵaıtý máseleleri boıynsha kelissóz júrgizip, onyń qorytyndysy boıynsha birqatar ekijaqty qujattarǵa qol qoıady dep josparlanǵan.