Qorjynda - 14 medal.
Malaızıanyń Nılaı qalasynda velotrekten eresekter men jasóspirimder arasyndaǵy Azıa chempıonaty aıaqtaldy, dep habarlaıdy Almaty-akshamy.kz
24.kz taratqan aqparatqa saı, jerlesterimiz bas-aıaǵy 14 ret jeńis tuǵyryna kóterilgen. Bir ókinishtisi, altyn júlde joq.
Ulttyq quramanyń úzdigi Artem Zaharov omnıým básekesinde İİ oryn aldy. Al Ramıs Dinmuhametov dál osyndaı jetistikke toptyq synda qol jetkizdi. Buǵan qosa qazaqstandyq Rýslan Elýbaev skrech jarysynda úzdik úshtikti túıindedi. Dál osy jigitter komandalyq synda da el rekordyn jańartyp, jalpy esepte İİİ orynǵa jaıǵasty. Aıta ketý kerek, júldeniń basym bóligin ulttyq quramadaǵy jasóspirimder jeńip aldy.
Atap aıtqanda, Vácheslav Sıchkarev, Vadım Belýgın, Aslan Syılyqbek, Jalǵas Ábýbakar, al qyzdar arasynda Taısıa Tıtova, Darıa Qazaqbaı, Arýjan Rahymjan jáne Elızaveta Sklárovalar táýir nátıje tirkedi. Qazaqstandyq sportshylar jekeleı synda da, komandalyq synda da júldege qol sozdy. Sáıkesinshe ulttyq quramadaǵy qyz-jigitterge laıyqty izbasarlar ósip keledi degen sóz.