Qarjy mınıstrligi BAQ tarapynan memlekettik qyzmetshilerge syıaqyny berýge baılanysty jaǵdaıdy túsindirý boıynsha ótinishterdiń kelip túsýine kelesini habarlaıdy.
Qazaqstan Respýblıkasy Úkimetiniń 2001 jyldyń 29 tamyzyndaǵy №1127 qaýlysyna sáıkes memlekettik qyzmetshilerge syıaqy tóleý, materıaldyq kómek kórsetý, laýazymdyq aılyqaqylaryna ústemeaqylar belgileý búdjet qarajatyn únemdeý esebinen ǵana júzege asyrylady.
Osy qaýly arqyly shyǵys baptarynyń naqty tizbesi aıqyndalǵan. Olardyń esebinen únemdeý qalyptasqan jaǵdaıda ǵana syıaqy tólenýi múmkin (issaparlarǵa, komýnaldy jáne kólik qyzmetterine, baılanys qyzmetterine, úı-jaılardy jalǵa alýǵa jáne t.b. shyǵystar boıynsha únemdeý).
Búginde atalǵan qaýlyǵa, sondaı-aq basqa da zańnamalyq aktilerge syıaqylardy shekteıtin ózgerister engizilmegendikten memlekettik qyzmetshilerge syıaqylardy berýge tyıym salatyndaı negiz joq.
Qarjy mınıstrliginiń osyǵan deıingi habarlamasynda Úkimet qaýlysynyń normalaryn buljytpaı ustaný qajettigi jáne baǵdarlama ákimshileriniń qyzmetkerlerdi tizbede kórsetilgenderden bólek búdjettik baptardan qarajatty syıaqyǵa paıdalanýǵa jol bermeý týraly aıtylǵan bolatyn.
Investısıalyq jobalardy iske asyrýdan jáne/nemese memlekettik apparattyń jumysyna áser etpeıtin materıaldyq aktıvterdi satyp alýdan únemdelgen qarajat búdjetke qaıtarylýǵa tıis.