Árbir memlekettik qyzmetshi ózine orasan zor mindet júktelip otyrǵanyn sezinýge tıis. Bul týraly elimizdiń áleýmettik-ekonomıkalyq damýy jónindegi keńeste Memleket basshysy Qasym-Jomart Toqaev aıtty, dep habarlaıdy Almaty-akshamy.kz QazAqparatqa silteme jasap.
«Qazaqstan – osy geosaıası aımaqta aýqymdy, demokratıany arqaý etken reformalar jolyna túsken birden-bir memleket. Sondyqtan bizge ońaı bolmaıdy. Biraq bul joldy qalaıda júrip ótýge tıispiz. Endi jumysqa jumyla kirisemiz. Osynda otyrǵan árbir memlekettik qyzmetshi ózine orasan zor mindet júktelip otyrǵanyn sezinýge tıis. Bul – eń aldymen, barsha Qazaqstan halqynyń aldyndaǵy jaýapkershilik. Sizderdiń sheshimderińiz ben is-áreketterińiz eldiń búgini men bolashaǵyna tikeleı áser etedi», – dedi Memleket basshysy.
Sondyqtan Prezıdent kúndelikti máselelerdi shuǵyl sheshýmen ǵana shektelmeý kerektigin qatań eskertti.
«Sizder memleketshil-reformator bolýlaryńyz qajet. Reformalarymyzdyń túpki maqsaty – halyqtyń ómirin jaqsartý. Ol úshin turǵyndardyń tabysyn kóbeıtý kerek. Jaıly ómir súrýine jaǵdaı jasap, qaýipsizdigin qamtamasyz etý qajet. Azamattardyń ózin-ózi damytýyna barlyq múmkindik jasalýǵa tıis. Munyń bárin myqty naryqtyq ekonomıka bolsa ǵana, tabysty júzege asyra alamyz», – dedi Qasym-Jomart Toqaev.