Byltyr memlekettik qyzmetkerler ózderine berilgen 132 dana syılyqty ýákiletti organǵa tapsyrǵan. Ol zattar memlekettik qyzmetkerlerge túrli is-sharalarda, qabyldaýlarda jáne merekelerde usynylǵan eken.
Syılyqtardyń jalpy quny 2,5 mln teńge shamasynda. Onyń kóbi kitap, saǵat, kartına jáne kádesyılar. Bıyl alǵashqy toqsannyń ózinde mamandar mundaı 30-ǵa jýyq syı-sıapattan bas tartqan, dep habarlaıdy Almaty-akshamy.kz 24.kz-ke silteme jasap.
Ýákiletti organǵa tapsyrylǵan syılyqtar keri satylyp, qarajat el qazynasyna aýdarylyp jatyr.
Dana Muqasheva, QR Qarjy mınıstrligi memlekettik múlik jáne jekeshelendirý komıtetiniń bólim basshysy:
- Memlekettik qyzmetshiler ókiletti organǵa tapsyrǵan syılyqty qabyldanǵan kúnnen bastap, bir aı ýaqyt ishinde baǵalaýǵa jiberiledi. Onyń naryqtyq qunyn baǵalanǵan soń, bizdiń saıtqa sol esepti engize otyryp, ony biz elektrondy saýda-sattyqqa qoıamyz. Eń kóp 300 myńnyń aınalasynda bolǵan. Olar Galaxy telefony jáne shvesıalyq mýzykalyq qorapsha. 260 myńǵa baǵalanyp, satyldy elektrondy aýksıon arqyly.