Qazaqstan polısıasy kúnine oraı İİM qyzmetkerleri, ishki ister organdary men Ulttyq ulannyń ardagerleri, sheteldik quqyq qorǵaý organdarynyń ókilderi, vedomstvo qonaqtary qyzmettik mindetterin atqarý kezinde qaza tapqan qyzmetkerlerdi eske alyp, estelik taqtasyna gúl shoqtaryn qoıdy.
Azamattardyń qaýipsizdigi men qoǵam tynyshtyǵynyń kúzetinde turǵan saqshylar kásibı merekege oraı marapatqa ıe boldy, dep habarlaıdy Almaty-akshamy.kz Polisia.kz-ke silteme jasap.
Bul kúni sala ardagerlerine de qoshemet kórsetildi. Halyqaralyq seriktestikti nyǵaıtýǵa úles qosyp júrgen sheteldik mamandardyń da eńbegi baǵalandy.
– Qurmetti áriptester! Qadirli ardagerler! Qazaqstan Respýblıkasy polısıasynyń kúni qutty bolsyn! Bul mereke zań men tártiptiń, tynyshtyq pen qaýipsizdiktiń qorǵaýynda turǵan tártip saqshylarynyń eńbegine, erligine kórsetilgen qurmet dep bilemiz, – dedi İshki ister mınıstri Erjan Sadenov. Ofıserlerdi Halyq qaharmany Qaıyrbek Súleımenov te quttyqtady. Ǵumyryn ishki ister organdaryna arnaǵan ardagerdiń biliktiligi men tájirıbesi pogondy azamattarǵa ónege. – Sizderge tabys, baqyt, amandyq pen zor densaýlyq tileımin! – dedi ol.
Saltanatty shara merekelik konsertke ulasty. Qazaq estradasynyń juldyzdary aıbyndy azamattarǵa rýhty án arnap, kóterińki kóńil kúı syılady.