Almaty qalasyndaǵy №92 lıseıde Qazaqstan Respýblıkasy Memlekettik qyzmet isteri agenttiginiń Almaty qalasy boıynsha departamenti janyndaǵy Memlekettik qyzmetterdi kórsetý máseleleri jónindegi vedomstvoaralyq jumys tobynyń kezekti otyrysy ótti.
Jıynǵa departament basshysy Shynaraı Álimhan bastaǵan VAJT músheleri, Almaty qalasy Bilim basqarmasynyń orta jáne qosymsha bilim berý bóliminiń basshysy Aqmaral Aıtýarova jáne 8 aýdannyń bilim mekemeleriniń ókilderi qatysty.
Otyrystyń kún tártibinde Almaty qalasy Bilim basqarmasynda júrgizilgen josparly tekserý nátıjeleri men bilim berý uıymdaryna oqýǵa qabyldaý boıynsha memlekettik qyzmet kórsetý barysy qaraldy. Jumys toby bilim basqarmasynyń esepterimen tanysyp, aldaǵy maýsym aıynda 1-synypqa qujat qabyldaý máselelerin jan-jaqty saralady. Osy rette Aqmaral Tólegenqyzy ata-analarǵa qajetti aqparattardy qamtıtyn mazmundy slaıd kórsetilim usynyp, qabyldaý tártibin egjeı-tegjeıli túsindirdi.
Otyrys barysynda memlekettik qyzmet kórsetý sapasyn arttyrý, halyqqa túsindirý jumystaryn kúsheıtý, sondaı-aq múgedektigi bar azamattarǵa qolaıly jaǵdaı jasaý, ınklúzıvti bilim berýge beıimdelgen mekemelerdiń sanyn arttyrý sekildi mańyzdy usynystar aıtyldy. Sonymen qatar, qamqorshylyqqa baılanysty birqatar máseleler kóterilip, qatysýshylar óz pikirlerin ortaǵa saldy. Vedomstvoaralyq jumys toby barlyq usynystardy nazarǵa alyp, bolashaqta júzege asyrý úshin naqty sharalar qabyldanatynyn jetkizdi.
Jıyn qorytyndysy boıynsha bilim berý salasyndaǵy memlekettik qyzmetterdiń ashyqtyǵyn, qoljetimdiligin jáne tıimdiligin arttyrý baǵytynda jumysty jalǵastyrý mindeti qoıyldy. Bul baǵyttaǵy úılesimdi sharalar aldaǵy ýaqytta qala turǵyndarynyń memlekettik qyzmetterdi alý prosesin aıtarlyqtaı jeńildetýge yqpal etpek.