«Memlekettik kórsetiletin qyzmetter týraly» Qazaqstan Respýblıkasynyń 2013 jylǵy 15 sáýírdegí №88-V Zańyna sáıkes, memlekettik kórsetiletin qyzmet — kórsetiletin qyzmetti alýshylardyń ótinishi boıynsha jeke tártíppen júzege asyrylatyn jáne olardyń quqyqtaryn, bostandyqtary men zańdy múddelerin iske asyrýǵa, olarǵa tıisti materıaldyq nemese materıaldyq emes ıgilikter berýge baǵyttalǵan jekelegen memlekettik fýnksıalardy iske asyrý nysandarynyń biri bolyp tabylady.
Qazirgi tańda memlekettik kórsetiletin qyzmettiń 93% onlaın formatta kórsetiledi.
«E-Gov Mobile» mobıldik qosymshasy boıynsha 641 memlekettik kórsetiletin qyzmettiń túrleri qoljetimdi, «E-Gov» elektrondy portaly arqyly 474 memlekettik qyzmet jeke jáne zańdy tulǵalarǵa E-license elektrondyq aqparattyq júıesi arqyly kórsetiledi.
Azamattardyń qajettilikterin tolyqtaı qanaǵattandyratyn memlekettik qyzmet kórsetýdiń tıimdi, qoljetimdi jáne ýaqytyly bolý maqsatynda árbir salanyń memlekettik qyzmetter kórsetý úshin arnaıy reglamentteri men standarttary bekitilgen jáne qyzmetti usyný prosesiniń jetildirýine qaraı bekitilgen qaǵıdalar tolyqtyrylyp, damytylyp otyrady.
Halyqtyń sanıtarıalyq-epıdemıologıalyq salamattylyǵy salasynda kórsetiletin memlekettik qyzmet ataýlary, berý tásilderi, kórsetý merzimi, kórsetiletin qyzmetti alýshydan talap etiletin qujattar men málimetterdiń tizbesi, belgilengen memlekettik qyzmetti kórsetýden bas tartý úshin negizder, memlekettik qyzmetti kórsetý erekshelikterin, eskere otyryp, ózge de talaptar, sonymen birge memlekettik qyzmetterdi kórsetý máseleleri boıynsha kórsetiletin qyzmetti berýshilerdiń sheshimderine, áreketine (áreketsizdigine) shaǵymdaný tártibi «Halyqtyń sanıtarıalyq-epıdemıologıalyq salamattylyǵy salasyndaǵy memlekettik qyzmetterdi kórsetýdiń keıbir máseleleri týraly» Qazaqstan Respýblıkasy Densaýlyq saqtaý mınıstriniń 2020 jylǵy 30 jeltoqsandaǵy № QR DSM-336/2020 buıryǵynda anyqtalyp kórsetilgen.
Aqparattyq-kommýnıkasıalyq tehnologıalar damyǵan zamanda elektrondy memlekettik qyzmet kórsetýdi pıdalanýdyń bir joly – buqaralyq aqparat quraldarynda, áleýmettik jelilerde, memlekettik organdardyń resmı Veb-saıt paraqshalarynda, mobıldik qosymshalarda elektrondy memlekettik qyzmet kórsetýdiń tártipteri men talaptaryn únemi jarnamalaý bolyp tabylady.
Memlekettik kyzmet kórsetý sapasyn arttyrý - memlekettiń damý kórsetkishteriniń biri jáne jemqorlyqty joıýǵa, halyqtyń zańdy quqyqtary men múddelerin qorǵaýǵa múmkindik beredi.