Almaty jastary esirtki jarnamalaryn óshirdi, dep habarlaıdy almaty-akshamy.kz
Almaty qalasynyń Polısıa departamentiniń Esirtki qylmysyna qarsy is-qımyl basqarmasynyń qyzmetkerleri men qalamyzdyń belsendi jastary birlesip, Almaly aýdanyndaǵy esirtki jarnamalaryn óshirý boıynsha «Jastar esirtkige qarsy» aksıasyn ótkizdi.
Atalǵan is-sharanyń maqsaty – jastarǵa esirtkiniń zıandylyǵyn túsindire otyryp, salaýatty ómirdi tańdaýǵa shaqyrý. Jastar Almaty qalasynyń Polısıa departamentiniń qyzmetkerlerimen esirtki jarnamalaryn anyqtap, olardy óshirdi. İs-shara barysynda aýdan aýmaǵyndaǵy ǵımarattardyń syrtqy qabyrǵasyna jazylǵan 100-den asa jarnama joıyldy.
Aıta keteıik, atalmysh shara aldaǵy ýaqytta qalamyzdyń basqa aýdandarynda da jalǵasyn tabatyn bolady.