Qazir kez kelgen eldiń yqpaldy bolýyna ulttyq brendtiń áseri mol. Sondyqtan, onyń tanymaldyǵyn arttyra túsý kerek. Ol úshin biryńǵaı dızaın-kodty, ortaq standartty saqtaý óte mańyzdy - Prezıdent.
Túrkistanda ótip jatqan Ulttyq quryltaıdyń «Ádiletti Qazaqstan – Adal azamat» atty ekinshi otyrysynda Prezıdent Qasym-Jomart Toqaev osylaı dedi, dep habarlaıdy Almaty-akshamy.kz.
«Nyshandarymyz biregeı ulttyq kodymyzdy naqty ári aıqyn kórsetýi kerek. Men jaqynda Assambleıa sesıasynda elimizdiń Geraldıka belgilerin jetildirý qajettigi týraly aıttym. Aldymen aımaqtardyń jáne qalalardyń tańbasyn biryńǵaı úlgige keltirý kerek dep sanaımyn», - dedi Prezıdent.
Memleket basshysy qazir olardyń kóbiniń mazmuny jáne pishini árkelki ekendigine nazar aýdartty.
«Soǵan baılanysty qoǵamda jıi syn da aıtylady. Bul salaǵa muqıat taldaý jasap, ortaq ustanymdar ázirleý qajet. Aımaqtyq nyshandardy ázirleý jáne bekitý tártibin barlyq óńirge birdeı etip, retke keltirgen jón», - dedi Qasym-Jomart Toqaev.