Byltyrǵy jylmen salystyrǵanda bıylǵy granttyq konkýrsqa 11 000 talapker artyq qatysty, dep habarlaıdy aqshamnews.kz.
«Granttardy taǵaıyndaý jónindegi sheshim Respýblıkalyq konkýrstyq komısıasynda qabyldanyp, 3 tamyzda nátıjeleri jarıalandy. Memlekettik bilim berý tapsyrysynyń sońǵy 3 jylda alǵash ret 99%-y ıgerildi. Atap aıtsaq, konkýrs nátıjesi boıynsha áleýmettik osal toptardan 412 jetim bala, múgedektigi bar 382 adam, kópbalaly otbasynan shyqqan 3 576 bala, tolyq emes otbasydan shyqqan 933 bala, múgedek balalardy tárbıelep otyrǵan otbasydan 437 balaǵa grant berildi», — dep baıandady Úkimet otyrysy barysynda ǵylym jáne joǵary bilim mınıstri Saıasat Nurbek.
Sondaı-aq elimizdiń batys jáne halyq tyǵyz qonystanǵan óńirleriniń jastary úshin nysanaly granttardyń 100% ıgerilgeni atap ótildi.
Jalpy, 2024-2025 oqý jylyna bakalavr boıynsha 78 219, magıstratýra úshin 13 113 jáne doktorantýra úshin 2 919 grant bólindi. Memlekettik tapsyrystyń 60%-dan astamy ekonomıkanyń basym salalarynda kadrlar daıarlaýǵa baǵyttalǵan.