Qazaqstan Respýblıkasy Qorǵanys mınıstrligi merzimdi áskerı qyzmetin ótegen áskerı qyzmetshilerdiń elimizdiń joǵary oqý oryndarynda bilim alý úshin memlekettik grant ıegerleri atanǵandarynyń tizimin jarıalady.
Bul týraly Aqshamnews.kz Qorǵanys mınıstrligine silteme jasaı otyra habarlaıdy.
Konkýrstyq irikteýge Qazaqstan Respýblıkasy Qarýly Kúshteriniń, Memlekettik kúzet qyzmetiniń, Tótenshe jaǵdaılar mınıstrliginiń, Ulttyq qaýipsizdik komıtetiniń Shekara qyzmetiniń jáne Ulttyq ulannyń áskerı bólimderinde belgilengen merzimde qyzmetin ótegen 17 500-den astam sarbaz qatysty.
Qazaqstan Respýblıkasy Ǵylym jáne joǵary bilim mınıstrligi azamattyq joǵary oqý oryndaryna 2010 grant, Qorǵanys mınıstrliginiń áskerı ınstıtýttaryna 253 oryn, Ulttyq ulan akademıasyna 36 oryn, UQK Shekara qyzmeti akademıasyna 12 oryn jáne Tótenshe jaǵdaılar mınıstrliginiń oqý ornyna 3 oryn bóldi.
Bıylǵy jyly talapkerler tańdaǵan joǵary oqý oryndarynyń reıtıńinde Astana IT University, ál-Farabı atyndaǵy Qazaq ulttyq ýnıversıteti, L.N. Gýmılev atyndaǵy Eýrazıa ulttyq ýnıversıteti jáne Q.I. Sátbaev atyndaǵy Qazaq ulttyq tehnıkalyq zertteý ýnıversıteti kósh bastap tur. Grant ıegerleri arasynda eń kóp tańdalǵan mamandyqtar – aqparattyq tehnologıalar, aqparattyq qaýipsizdik jáne tehnıkalyq mamandyqtar.