«Báıterek» holdıńi turǵyndardan qoı júnin jınaý isin qarjylandyrady.
Al jún men teri daıyndaýmen aınalysatyn kásiporyndarǵa qoı qyrqýǵa arnalǵan elektr quraldardy satyp alǵany úshin sýbsıdıa tólenbek, dep habarlaıdy Almaty-akshamy.kz
QR Premer-Mınıstri Álıhan Smaıylov Senat depýtattarynyń saýalyna joldaǵan jaýabynda osylaı dedi.
«Indýstrıa jáne ınfraqurylymdyq damý mınıstrligi múddeli memlekettik organdarmen, ákimdiktermen, «Atameken» ulttyq kásipkerler palatasymen birlesip, jeńil ónerkásipti damytýdyń júıeli sharalaryn pysyqtady. Olar Qazaqstan Respýblıkasynyń jeńil ónerkásibin damytýdyń 2022-2025 jyldarǵa arnalǵan Jol kartasyna engizilgen. Osy jol kartasy atalǵan holdıń arqyly aýyl sharýashylyǵy janýarlarynyń júni men terisin jınaý jónindegi daıyndaýshy uıymdardy qarjylandyrýdy kózdeıdi. Bul sharalar Qoı sharýashylyqtarynan jáne turǵyndardan jún satyp alýdyń ortalyqtandyrylǵan júıesin uıymdastyrýǵa baǵyttalǵan», - dep jazylǵan Úkimet basshysynyń jaýabynda.
Al jún men teri daıyndaýmen aınalysatyn kásiporyndarǵa qoı qyrqýǵa arnalǵan elektr quraldardy satyp alǵany úshin sýbsıdıa tólenbek.
«Bul rette ınvestısıalyq sýbsıdıalaý sheńberinde jún men teri daıyndaý jónindegi uıymdarǵa memlekettik qoldaý retinde jún qyrqý pýnkterin, jyljymaly qyrqý pýnkterin, qoı qyrqýǵa arnalǵan elektromehanıkalyq quraldardy sýbsıdıalaý kózdelgenin atap ótken jón», - dedi Álıhan Smaıylov.
Buǵan deıin Álıhan Smaıylov Senat depýtattarynyń saýalyna joldaǵan jaýabynda teri men júndi tereńdetip óńdeý máselesin Aýyl sharýashylyǵy mınıstrliginiń qaramaǵyna berý nege múmkin emes ekenin túsindirdi.