Úkimet búdjet tapshylyǵynyń ornyn toltyratyn qarjy kózin tabý úshin tıimdi kompensasıalyq tásilder oılastyrýy qajet. Bul týraly Qazaqstan halqyna Joldaýyn jarıalaý kezinde Memleket basshysy Qasym-Jomart Toqaev aıtty, dep habarlaıdy aqshamnews.kz.
«Memleket qarjysynyń turaqtylyǵyn qamtamasyz etýdiń birden bir joly – kórpege qaraı kósilý. Sondyqtan búdjet qarajatyn strategıalyq mańyzy joq, asa shuǵyl emes sharýalarǵa ońdy-soldy shashýdy doǵarý kerek», - dedi Qasym-Jomart Toqaev.
Prezıdenttiń aıtýynsha, búdjetaralyq qarym-qatynasty da retke keltirý qajet.
«Shaǵyn jáne orta bıznesten túsetin salyqty aımaqtardyń ózinde qaldyrý durys ári ýaqtyly qabyldanǵan sheshim boldy. Bul qadam kásipkerliktiń damýyna edáýir serpin berdi. Sonymen qatar ákimderdiń derbestigin arttyrdy. Alaıda keıbir ákimder qosymsha kiris kózine ıe bolǵan soń, ony elge paıdasyz iske shashyp, tıimsiz jumsaıtyn boldy. Asa mańyzdy emes mindetter men jobalarǵa qarjy bóle bastady. Úkimet búdjet tapshylyǵynyń ornyn toltyratyn qarjy kózin tabý úshin tıimdi kompensasıalyq tásilder oılastyrýy qajet», - dedi Prezıdent.