Memlekettik qoldaýdyń bul sharasy Qazaqstan balalaryna 5 jastan bastap 18 jasqa tolǵanǵa deıin elde jáne shetelde bilim berý qyzmetterine, sonyń ishinde joǵary, sondaı-aq tehnıkalyq jáne kásiptik bilim berý qyzmetterine aqy tóleý úshin qarjy qarajatyn turaqty jınaqtaý maqsatyna arnalǵan.
«Keleshek» júıesine qatysý úshin ata-analar memlekettik bilim berý jınaqtaý júıesiniń qatysýshylary bolyp tabylatyn ekinshi deńgeıdegi bankterde jáne saqtandyrý kompanıalarynda shot ashýy qajet, onda aǵymdaǵy kúntizbelik jyly 5 jasqa tolǵan balalarǵa 60 AEK (2025 jyly 235 920 teńgeni quraıdy) jáne jetim balalar úshin 120 AEK (471 840 teńge) mólsherinde bastapqy bilim berý kapıtaly, 5-7% mólsherinde memlekettik syılyqaqynyń jyl saıynǵy tólemi jáne ınvestısıalyq tabys esepteletin bolady.
«Keleshek» júıesiniń sharty – ata-analar keminde 12 AEK mólsherinde jyl saıynǵy mindetti eń tómengi jarnany tóleýi tıis.
Shottardy Qazaqstannyń depozıtterge kepildik berý qory, al saqtandyrý tólemderiniń somasyn Saqtandyrý tólemderine kepildik berý qory saqtandyrady.
Memlekettik bilim berý grantyn alǵan jaǵdaıda qarajatty joǵary oqý ornynan keıingi bilim alýǵa paıdalanýǵa bolady.
Sonymen qatar, jınaqtalǵan qarajatty turǵyn úı jaǵdaıyn jaqsartýǵa baǵyttaýǵa jáne qajet bolǵan jaǵdaıda úshinshi tulǵalarǵa berýge bolady.
Memleket JOO stýdentteri úshin stıpendıalardy ulǵaıtý boıynsha josparly jumysty jalǵastyrýda.
2025 jyly JOO jáne kolej stýdentteri úshin stıpendıa 2 ese, magıstranttar men doktoranttar úshin 1,75 ese artady.
2025 jylǵy 1 qyrkúıekten bastap bakalavrıat stýdentterine stıpendıa 52 372 teńgege deıin, al pedagogıkalyq jáne medısınalyq baǵyttardaǵy bilim alýshylarǵa – 84 000 teńgege deıin, magıstranttarǵa – 117 098 teńgege, doktoranttarǵa – 262 500 teńgege deıin ósedi.
Internatýrada oqıtyn stýdentterge stıpendıa – 94 862 teńge, al rezıdentýrada – 134 664 teńge kóleminde tólenetin bolady.
Emtıhan sesıasyn «óte jaqsy» tapsyrǵan jaǵdaıda stýdentterdiń joǵary stıpendıa alý múmkindigi saqtalady.
Stýdentterdiń jekelegen sanattary úshin stıpendıaǵa ústemeaqy belgilendi. Olarǵa mynalar quqyly:
Joǵary nemese kásiptik, orta bilimnen keıingi, joǵary oqý ornynan keıingi bilim alatyn kórý jáne estý qabileti buzylǵan adamdarǵa bakalavrıat stýdentterine – 94 651 teńge, magıstranttarǵa – 204 921 teńge, doktoranttarǵa – 459 375 teńge ústemeaqy belgilendi.
Jaralaný, kontýzıa, aýrý saldarynan múgedektigi bar nemese mertikken adamdarǵa bakalavrıat stýdentterine – 78 558 teńge, magıstranttarǵa – 175 647 teńge, ınternderge – 142 293 teńge ústemeaqy belgilendi.
Ata-anasynyń qamqorlyǵynsyz qalǵan nemese qorǵanshylyqtaǵy (qamqorshylyqtaǵy) jetim balalar qataryndaǵy adamdarǵa stıpendıa 30%-ǵa kóteriledi, ıaǵnı bakalavrıat stýdentterine – 68 083 teńge, magıstranttarǵa – 152 227 teńge, ınternderge – 123 320 teńge ústemeaqy belgilendi.
Memlekettik stıpendıadan basqa, joǵary oqý ornynyń Ǵylymı keńesiniń sheshimi boıynsha 104 744 teńge mólsherinde taǵaıyndalatyn oqýda erekshelengen stýdentterge, olımpıadalardyń, shyǵarmashylyq konkýrstardyń, sporttyq jarystardyń jeńimpazdaryna arnalǵan Prezıdenttik stıpendıa bar.
Prezıdenttik stıpendıany 3-shi oqý jylynan bastap stýdentter jáne 2-shi oqý jylynan bastap magıstranttar ala alady. Mundaı stıpendıaǵa búdjettik negizde oqıtyn stýdentter de, aqyly negizde oqıtyndar da quqyly.
Stýdentterge arnalǵan jańa jataqhanalar salý
2029 jylǵa deıin jataqhanalarda jyl saıyn 10 myń oryndy paıdalanýǵa berý kózdelgen.
2024 jyldyń qorytyndysy boıynsha elimizde 11 096 oryn paıdalanýǵa berildi.
Astana jáne Almaty qalalarynda jataqhanalarda oryndardy ýaqtyly alý boıynsha el stýdentterine konsýltasıalyq qyzmetter kórsetetin jobalyq front-ofıster jumys isteıdi.
2024 jyly jataqhanalar salý boıynsha memlekettik tapsyrystyń mólsheri Almaty qalasynda 144 AEK-ten 230 AEK-ke deıin, Astana qalasyn qosa alǵanda, eldiń basqa óńirlerinde 122 AEK-ten 195 AEK-ke deıin ulǵaıtyldy.
Sondaı-aq, jataqhanaǵa obektilerdi rekonstrýksıalaǵany úshin ótemaqy mólsheri 92 AEK-ten 182 AEK-ke deıin ulǵaıtyldy.
Qurylys salýshyǵa memleket tarapynan ınvestısıalyq shyǵystardy kezeń-kezeńimen óteýdi jáne kásipkerlik sýbektileriniń jataqhanalardy salýǵa jáne rekonstrýksıalaýǵa keńinen qatysýyn qamtıtyn jańa jataqhanalar salý boıynsha memlekettik-jekeshelik áriptestik (MJÁ) tetigi ázirlendi.
2025 jyly jetim balalar men ata-anasynyń qamqorlyǵynsyz qalǵan balalarǵa, sondaı-aq kámeletke tolǵanǵa deıin ata-anasynan aıyrylǵan nemese qamqorlyǵynsyz qalǵan jastarǵa jáne 1 jáne 2-toptaǵy múgedek adamdarǵa, bala kezinen múgedek adamdarǵa, múgedek balalarǵa oqý kezeńinde JOO jataqhanalarynda turǵany úshin 100 050 teńge mólsherinde ótemaqy tóleý jalǵastyrylady.