«Almaty» ÁKK» AQ enshiles uıymy, «Almaty» MQU» JSHS 2024 jyly Almatynyń shaǵyn jáne mıkrobıznes sýbektilerine 106 jeńildikti qaryz berdi, dep habarlaıdy aqshamnews.kz
«Almaty Business-2025»kásipkerlikti damytýdyń óńirlik baǵdarlamasy aıasynda isin jańa bastaǵan jáne jumys istep turǵan kásipkerler jyldyq 2%-dyq jáne 6% -dyq mólsherleme boıynsha isti damytýǵa nesıeler aldy.
Berilgen qaryzdardyń jıyntyq kólemi 3,6 mlrd teńgeden asty. Bir qaryz alýshyǵa qarjylandyrý lımıti 73 840 000 mln teńgeni, nesıeniń eń uzaq merzimi – 7 jyldy qurady.
Baǵyttar bólinisinde óndiristik jobalary bar kásipkerler qaryzdardyń eń kóp sanyn aldy – barlyq sannyń úshten biri, ekinshi orynda densaýlyq saqtaý jobalary – 20%, úshinshi orynda – bilim berý jáne halyqqa qyzmet kórsetý (11% - dan). Budan keıin kreatıvti ekonomıka (8,5%), týrızm jáne áleýmettik kásipkerlerdi qoldaý (6%).
2019 jyly «Almaty Business-2025»baǵdarlamasy bekitilgen sátten bastap «Almaty»MQU 13,3 mlrd.teńgeden astam somaǵa 600-ge jýyq jobany qarjylandyrdy. Eń kóp qaryzdar óndiristik jobalardy (28%) jáne densaýlyq saqtaý jobalaryn (15%) iske asyrýǵa, sondaı-aq áleýmettik kásipkerlikti qoldaýǵa (11%) berildi. Sońǵylary eń tómengi mólsherleme boıynsha qaryz aldy – jyldyq 2%.
«Jeńildetilgen nesıeleý aıasynda qalada 2 400-den astam jumys orny quryldy. Kásipkerlikti yntalandyrýdan jáne jumyspen qamtýdy arttyrýdan basqa, «Almaty Business-2025»baǵdarlamasy jergilikti búdjetke túsetin salyq túsimderin ulǵaıtýǵa belsendi yqpal etedi», - dep atap ótti «Almaty» MQU basqarma tóraǵasy Altaı Ismaǵambetov.
Jeńildetilgen nesıeleý týraly tolyǵyraq +7 (727) 390 80 42 nómiri nemese https://mfoalmaty.kz/ veb- saıty arqyly bilýge bolady.
Jyldyq tıimdi syıaqy mólsherlemesi jeke esepteledi jáne 13%-dan aspaıdy