Memleket basshysynyń tapsyrmasyna sáıkes jas ǵalymdardyń áleýmettik mártebesin kóterý jáne qoldaý maqsatynda almatylyq ǵalymdarǵa turǵyn úı sertıfıkattary tabystaldy, dep habarlaıdy aqshamnews.kz
Jańa páter ıesi atanǵandar qatarynda Temirbek Júrgenov atyndaǵy Qazaq ulttyq óner akademıasynyń ǵalym hatshysy Nartaı Saǵymbekuly Bekmoldınov, Abaı atyndaǵy Qazaq ulttyq pedagogıkalyq ýnıversıtetiniń oqytýshysy Gúlistan Bısenbaıqyzy Elýbaı, Jazken Jıembaev atyndaǵy Qazaq ósimdik qorǵaý jáne karantın ǵylymı-zertteý ınstıtýtynyń ǵylymı qyzmetkeri Baljan Jasulanqyzy Naımanova, ál-Farabı atyndaǵy Qazaq ulttyq ýnıversıtetiniń aǵa oqytýshysy Aıjan Oljabekqyzy Nuǵymanova bar.
Suhbat barysynda kópten kútken jańa páter sertıfıkatyn alǵan jas ǵalymdar elimizdegi ǵylymı zertteýler men ınovasıalyq jobalardy júzege asyrýǵa kórsetilip jatqan qoldaýlardyń artyp jatqanyn qýanyshpen atap ótti.