«Yntymaqtastyqtyń «samal jeli».
QR Prezıdentiniń teleradıo kesheni Memleket basshysy Qasym-Jomart Toqaevtyń Koreıa Respýblıkasyna sapary jaıly jańa fılm túsirdi, dep habarlaıdy Almaty-akshamy.kz.
«Qazaqstan men Ońtústik Koreıa arasynda strategıalyq seriktestik myǵym irgetasy qalanǵan. Eki eldi tek ekonomıkalyq yntymaqtastyq qana emes, sonymen birge kóp jylǵy ortaq tarıh ta biriktiredi. Elder bolashaqqa kóz sala otyryp, barlyq saladaǵy yntymaqtastyqty nyǵaıtýǵa nıetti. Qazaqstanǵa Ońtústik Koreıa tarapynan ınvestısıa kóleminiń arta túsýi buǵan dálel bola alady. Avtomobıldiń óndiristik bazasyn qurý, sıfrlyq ekonomıkaǵa ınovasıa, mádenı baılanystardy keńeıtý – bul «Yntymaqtastyqtyń «samal jeli». Memleket basshysynyń Koreıa Respýblıkasyna sapary qorytyndysy boıynsha QR Prezıdentiniń teleradıo kesheni túsirgen jańa fılmdi YouTube-arnamyzdan kórińizder», - dep habarlady QR Prezıdentiniń teleradıo kesheni Facebook paraqshasynda.
Esterińizge sala ketsek, ótken aıda QR Prezıdenti Qasym-Jomart Toqaev Koreıa Respýblıkasyna memlekettik sapar jasaǵan bolatyn.