Barlyq memlekettik qyzmetshilerge osyny aıtqym keledi, dedi Prezıdent.
Bul týraly Túrkistanda ótken Ulttyq quryltaıda Prezıdent Qasym-Jomart Toqaev málim etti, dep habarlaıdy Almaty-akshamy.kz
«Basshylyq quramdy jańartý jumysy jalǵasyn tabady. Memleket basshysy retinde aıtarym, mınıstrlerdiń, ákimderdiń jáne basqa da memlekettik qyzmetshilerdiń boıynda negizgi eki qasıet bolýy kerek. Bul – professıonalızm, ıaǵnı naǵyz maman bolý jáne otanshyldyq. Al, olardyń Prezıdenttiń jeke basyna adaldyǵy men úshin mańyzdy emes. Memleket basshysyn madaqtaýdan góri jumysty adal atqaryp, halyqtyń aldynda abyroıly bolý áldeqaıda mańyzdy. Barlyq memlekettik qyzmetshilerge osyny aıtqym keledi», - dedi Prezıdent.
Bul oraıda Memleket basshysy ózgergen prezıdenttiń ókilettilik merzimine qatysty pikir bildirdi.
«Jasalǵan reformalardan keıin Qazaqstan Prezıdenti memlekettik basqarýshy, ıaǵnı Konstıtýsıada kórsetilgen 7 jyldyq merzimge halyqpen ózara kelisimshartqa otyratyn menedjer retinde qyzmet etedi. Prezıdent – áýlıe emes, halyqtan bıik tulǵa emes», - dep túıindedi Qasym-Jomart Toqaev.