Kezdesý barysynda Memleket basshysyna Ulttyq ǵylym akademıasynyń qyzmeti men jospary jóninde esep berildi. Sondaı-aq ǵylym salasyna qatysty ózekti máseleler talqylandy, dep habarlaıdy Almaty-akshamy.kz.
Qasym-Jomart Toqaev jańa mártebege ıe bolǵan Ulttyq ǵylym akademıasy otandyq ǵylymdy damytý isinde negizgi ról atqarýǵa tıis ekenin atap ótti.
Prezıdenttiń pikirinshe, memlekettiń ǵylymı-tehnologıalyq jáne ekonomıkalyq saıasaty arasyndaǵy ózara baılanystyń nyǵaıýyna basa mán bere otyryp, ǵylymdy damytýdyń jańa tásilderin qoldaný kerek. Prezıdent otandyq ǵylymdy damytý úshin memleket qajetti jaǵdaı jasap jatqanyna nazar aýdardy. Prezıdent janyndaǵy Ǵylym jáne tehnologıalar jónindegi ulttyq keńes jumys isteıdi. Zertteý jumystaryn qarjylandyrý kólemi aıtarlyqtaı artyp, qarjylandyrý tetikteri jetildirildi. Bul rette Memleket basshysy qarjylandyrylyp jatqan ǵylymı jobalardyń ózekti ári suranysqa ıe bolýy, sondaı-aq ekonomıkanyń naqty sektorlarynda is júzinde qoldanylýy mańyzdy ekenin atap ótti.
Memleket basshysy UǴA prezıdenti Kúnsulý Zakaráǵa talantty ári jas ǵalymdardy ǵylymı ortaǵa tartý jóninde naqty tapsyrmalar berdi. Qasym-Jomart Toqaev ǵylymı ıntellıgensıanyń elimizdi damytýǵa eleýli úles qosatynyn atap ótip, Ǵylym akademıasy prezıdentiniń jaýapty qyzmetine tabys tiledi.