Prezıdentke Ulttyq banktiń bıylǵy qańtar-qazan aılarynda júzege asyrǵan aqsha-kredıt saıasatynyń nátıjeleri jóninde esep berildi, dep habarlaıdy almaty-akshamy.kz
Memleket basshysyna Qazaqstan ekonomıkasynyń jaǵdaıy, ınflásıany tómendetý sharalary, sondaı-aq altyn-valúta qorynyń, BJZQ men Ulttyq qor aktıvteriniń jaı-kúıi týraly baıandaldy.
Qasym-Jomart Toqaevqa sıfrlyq teńgeni iske qosýǵa daıyndyq jumystarynyń barysy jáne sıfrlyq qarjylyq ınfraqurylymdy damytý jospary jaıynda málimet berildi.
Budan bólek, Tımýr Súleımenov ekonomıkany kredıtteý isin yntalandyrý úshin tıisti sharalar ázirleýge qatysty Memleket basshysynyń Qazaqstan halqyna Joldaýynda aıtylǵan tapsyrmalarynyń oryndalý barysy týraly aqparat berdi.
Sonymen qatar Ulttyq bank tóraǵasy ulttyq valútamyz – teńgeniń 30 jyldyǵyn atap ótýge daıyndyq jumystary jóninde aıtty.
Kezdesý sońynda Qasym-Jomart Toqaev aqsha-kredıt saıasatyn tıimdi júzege asyrýǵa baǵyttalǵan birqatar mindet júktedi.