Tarıhshy ǵalym Talas Omarbekov 1948 jyly Jambyl oblysy, Baızaq aýdany, Aqjar aýylynda týǵan.
Memleket basshysy belgili ǵalym Talas Omarbekovtiń otbasy men jaqyn týystaryna kóńil aıtý jedelhatyn joldady, dep habarlaıdy Almaty-akshamy.kz
Qasym-Jomart Toqaev belgili qoǵam qaıratkeri, ǵalym-pedagog, tarıh ǵylymdarynyń doktory, profesor, QR Ulttyq ǵylym akademıasynyń qurmetti múshesi Talas Omarbekovtiń otbasy men jaqyn týystaryna kóńil aıtty.
«Uzaq jyldar boıy Abaı atyndaǵy Qazaq pedagogıka ýnıversıtetinde jáne ál-Farabı atyndaǵy Qazaq ulttyq ýnıversıtetinde ustazdyq qyzmet atqarǵan Talas Omarbekuly otandyq ǵylymnyń órkendeýine eleýli úles qosty. Táýelsiz qazaq eliniń jańa tarıhyn qalyptastyrýǵa sińirgen eńbegi orasan zor. Búkil túrki dúnıesin, ultymyzdyń shejiresin, Ortalyq Azıa halyqtarynyń órkenıetke bet alǵan kóshpeli mádenıetin tereń zerdeledi. Talas Omarbekulynyń esimi men jarqyn beınesi halqymyzdyń, áriptesteri men shákirtteriniń jadynda máńgi saqtalady. Marqumnyń jany jánnatta, ımany salamat bolsyn», – delingen Prezıdenttiń jedelhatynda.