Memleket basshysy Tótenshe jaǵdaılar mınıstri Syrym Sháriphanovty qabyldady, dep habarlaıdy Almaty-akshamy.kz Aqordaǵa silteme jasap.
Prezıdentke Tótenshe jaǵdaılar mınıstrliginiń atqaryp jatqan jumystary men jospary jóninde baıandaldy.
Memleket basshysyna mınıstrlikte aldaǵy ýaqytta júzege asyrylatyn transformasıa jáne qoǵamda qaýipsizdik mádenıetin qalyptastyrý jumystary týraly málimet berildi.
Mınıstrdiń aıtýynsha, tótenshe jaǵdaılardyń sany men aýqymy ulǵaıǵan jaǵdaıda azamattyq qorǵaýdyń memlekettik júıesin tótenshe jaǵdaıdyń saldaryn joıýdan buryn onyń aldyn alýǵa baǵdarlaý kózdelip otyr.
Sonymen qatar Prezıdentke qutqarý bólimsheleriniń materıaldyq-tehnıkalyq bazasyn jaraqtandyrý jáne sıfrlandyrý isin nyǵaıtý, sondaı-aq qutqarýshylar men órt sóndirýshilerdiń kadrlyq áleýetin arttyrý, olardy áleýmettik qorǵaý sharalaryn kúsheıtý jóninde aqparat berildi.
Syrym Sháriphanov halyqty aldyn ala qorǵaýǵa qajetti jaǵdaı jasaý maqsatynda qoldanystaǵy normatıvtik-quqyqtyq aktilerge ózgerister men tolyqtyrýlar engizýge aıryqsha mán berilip otyrǵanyn aıtty.
Kezdesý sońynda Qasym-Jomart Toqaev mınıstrlikke tótenshe jaǵdaılardyń sanyn azaıtý, sondaı-aq azamattardyń qaýipsizdigin qamtamasyz etýge baǵyttalǵan sharalar keshenin júzege asyrý jóninde tapsyrma berdi.