Buzaqylyq boıynsha is qozǵaldy.
Áleýmettik jelide tarap ketken vıdeoda Astanadaǵy saýda-oıyn saýyq ortalyǵynda balasymen júrgen er adamǵa judyryq ala júgirgen buzaqy tanymal boksshy Beıbit Shúmenov bolyp shyqty, dep habarlaıdy Almaty-akshamy.kz İİM-ne silteme jasap.
İİM basshysynyń orynbasary Qaırat Súntaev balaly er adamdy soqqyǵa jyqqan boksshy Beıbit Shúmenov ekenin rastady.
"Iá, rastaımyz. Qazir osy máselemen aınalysyp jatyrmyz. Buzaqylyq boıynsha is qozǵaldy. Ol jerde qylmys aýyrlyǵy shamaly, saraptamany kútip otyrmyz", - dedi ol.
Al osy isti qarap, qylmys quramyn tappaǵan ýchaskelik ınspektorǵa qatysty qyzmettik tekseris júrip jatyr.
"Qyzmettik tekseris bastaldy, ol qatań jazalanady. Kúni keshe mınıstr osy máseleni kóterdi, ol jazalanady", - dep sendirdi Súntaev.
Mınıstrdiń orynbasary tóbeles kezinde bala zardap shekpegenin aıtty.
"Biraq jábirlenýshi ony (boksshyny) qylmystyq jaýapqa tartýdy talap etip otyr", - deıdi Súntaev.
Aıtýynsha, oqıǵa kezinde Shúmenov saý bolǵan.
Astana TV arnasynyń aqparatynsha, oıyn alańynda eki bala kelispeı qalady. Sodan ekeýiniń ákesi janjaldasyp, arty tóbeleske ulasqan. Oqıǵa ornyna kelgen polıseıler burynǵy álem chempıony Beıbit Shúmenov pen qala turǵyny Azızbek Qadyrovtyń tóbelesip qalǵanyn anyqtaǵan. Bala ustap turǵan er adam jaraqat aldy, ony sot-medısınalyq saraptamaǵa jibergen.