Prezıdent Qasym-Jomart Toqaev Qazaqstannyń Azıadaǵy ýaqyt synynan ótken senimdi seriktesi Sıngapýrmen yntymaqtastyqty joǵary baǵalaıtynyn atap ótti, dep habarlaıdy almaty-akshamy.kz. Aqordaǵa silteme jasap.
Onyń aıtýynsha, jýyrda el basshylyǵynyń aýysqany Sıngapýr úshin mańyzdy kezeń boldy.
Qasym-Jomart Toqaev osy oraıly sátti paıdalana otyryp, Lı Sán Lýndy Sıngapýrdyń aǵa mınıstri qyzmetine kirisýimen quttyqtady.
Prezıdent el basshylyǵynyń úshinshi býyny teńdikke, merıtokratıaǵa, tıimdi basqarý men áleýmettik úılesimdilikke negizdelgen tabysty ári ushqyr oıly ult qalyptastyrý sekildi Lı Kýan Iý murasynyń ozyq úlgisin saqtap, damytyp kele jatqanyna nazar aýdardy.
Qasym-Jomart Toqaev Lı Sán Lýnnyń 20 jyl ishinde Qazaqstan men Sıngapýr arasyndaǵy jan-jaqty seriktestikke aıtarlyqtaı úles qosqanyn ári elimizdiń shynaıy dosy ekenin aıtty.
Lı Sán Lýn eki el arasyndaǵy ózara tıimdi yntymaqtastyqty nyǵaıtýdyń mańyzyn atap ótti. Onyń aıtýynsha, Sıngapýr Qazaqstanmen strategıalyq áriptestikti odan ári jalǵastyrýǵa nıetti.
Kezdesýde saýda-ekonomıka, ınvestısıa, qarjy, kólik-logıstıka jáne gýmanıtarlyq salalardaǵy yqpaldastyq máseleleri talqylandy. Sondaı-aq halyqaralyq kún tártibiniń ózekti baǵyttary jan-jaqty qarastyryldy.