Prezıdent Qasym-Jomart Toqaev Aqordada Sıngapýr Parlamentiniń spıkeri Sea Kıan Pen bastaǵan delegasıany qabyldady, dep habarlaıdy almaty-akshamy.kz.
Qazaqstan men Sıngapýr arasyndaǵy tyǵyz qarym-qatynasty odan ári keńeıtýdi kózdeıtin kezdesý dostyq ráýishte ári nátıjeli ótti.
– Biz – ýaqyt synynan ótken senimdi seriktespiz. Ózara baılanystardy nyǵaıtý úshin aýqymdy jumys júrgizildi. Degenmen aldymyzǵa eki eldiń yntymaqtastyǵyn odan ári damytýǵa baǵyttalǵan bıik maqsat qoıyp otyrmyz, – dedi Prezıdent.
Qasym-Jomart Toqaevtyń pikirinshe, halyqaralyq yntymaqtastyqty arttyrýda jáne memleketter arasyndaǵy dıalogqa yqpal etýde parlamenttik dıplomatıa asa mańyzdy ról atqarady. Prezıdent búginde Qazaqstanda 140-tan astam sıngapýrlyq kompanıa men birlesken kásiporyn jumys isteıtinin, olardyń el ekonomıkasyna quıǵan ınvestısıasynyń jalpy kólemi 1,4 mıllıard dollardan asqanyn atap ótti.
Sea Kıan Pen qonaqjaılyq tanytqan Qasym-Jomart Toqaevqa rızashylyǵyn bildirip, eki eldiń yntymaqtastyǵyn tereńdetý úshin mol áleýet bar ekenin aıtty. Kezdesýde ekonomıkalyq jáne ınvestısıalyq yqpaldastyq perspektıvalaryna basa nazar aýdaryldy. Sonymen qatar óńirlik jáne halyqaralyq kún tártibindegi máseleler talqylandy.