Kezdesý barysynda oblystyń aýyl sharýashylyǵy salasyn damytý máseleleri talqylandy.
Qasym-Jomart Toqaevqa óńirdiń bıylǵy on aı ishindegi áleýmettik-ekonomıkalyq damýy jóninde esep berildi, dep habarlaıdy Almaty-akshamy.kz
Oblys ákiminiń aıtýynsha, halyqqa vaksına salý jumystary qarqyndy júrgizilip jatyr. Atap aıtqanda, vaksına alýǵa tıisti turǵyndardyń 100 paıyzy ekpeniń birinshi komponentin alǵan, al ekinshi komponentin 7 jeltoqsanǵa deıin salý josparlanǵan.
Kezdesý barysynda oblystyń aýyl sharýashylyǵy salasyn damytý máseleleri talqylandy. Danıal Ahmetovtiń málimeti boıynsha 2022 jylǵa qaraı aýyl sharýashylyǵy ónimderiniń eksportyn 4 ese arttyrý kózdelgen.
Prezıdentke jaqynda ashylǵan «Úlbi-TVS» zaýytynyń jumysy týraly baıandaldy. Kásiporynda jylý energıasyn alýǵa arnalǵan ınjenerlik qurylymdar shyǵarylady jáne 140 jańa jumys orny ashylady. Zaýytta jylyna 200 tonna ýran otyny óndiriledi.
Memleket basshysy oblys ákimine jylytý maýsymy kezinde qazandyqtardyń úzdiksiz jumys isteýin qadaǵalaý, turǵyndardy kómirmen qamtamasyz etý, sondaı-aq aýyl sharýashylyǵy ónimderiniń eksportyn arttyrý jumystaryn jalǵastyrý jóninde tapsyrma berdi.