Prezıdentke áýe kompanıasynyń byltyr atqarǵan jumystarynyń negizgi nátıjeleri, sondaı-aq aldaǵy kezeńge arnalǵan damý jospary týraly baıandaldy.
Memleket basshysyna 2030 jylǵa deıin kompanıanyń áýe kemeleri parki men baǵyt jelilerin keńeıtý jóninde málimet berildi, dep habarlaıdy Almaty-akshamy.kz Aqordaǵa silteme jasap.
Prezıdentke Shymkent áýejaıyndaǵy aerovokzal kesheni qurylysynyń barysy jáne avıasıalyq habty damytý sharalary týraly baıandaldy.
Qasym-Jomart Toqaev SCAT áýe kompanıasynyń qyzmetine oń baǵa berip, onyń damý strategıasyn qoldady.
Memleket basshysy Shymkenttegi avıasıalyq habtyń qurylysyn aıaqtaýdyń, avıasıalyq tasymaldaý salasynyń óńirdegi básekege qabilettiligin qamtamasyz etýdiń jáne kórsetiletin qyzmetterdiń sapasyn arttyrýdyń mańyzdylyǵyna nazar aýdardy.