Endi baıqaýǵa sheteldik ýnıversıtet nemese uıymnyń akademıalyq oqýǵa granty bar talapkerler de qatysa alady.
Bıyldan bastap «Bolashaq» baǵdarlamasynyń stıpendıattary úshin mindetti eńbekpen óteý merzimi bir jylǵa qysqartyldy, dep habarlaıdy Almaty-akshamy.kz Halyqaralyq baǵdarlamalar ortalyǵy baspasóz qyzmetine silteme jasap.
Ol úshin stıpendıa ıegerinde sheteldik joǵary oqý orny, jumys berýshi nemese uıymnyń granty bolýy kerek.
«Bıyl «Bolashaq» stıpendıasyna úmitkerlerdi irikteý erejeleri jetildirildi. Endi baıqaýǵa sheteldik ýnıversıtet nemese uıymnyń akademıalyq oqýǵa granty bar talapkerler de qatysa alady. Mundaı stıpendıattardyń jumys merzimi qysqartylady. Astana, Almaty jáne Shymkent qalalarynda bes jyldan tórt jylǵa deıin, elimizdiń basqa óńirlerinde úsh jyldan eki jylǵa deıin», - dedi «Halyqaralyq baǵdarlamalar ortalyǵy» AQ basqarma tóraǵasy Ánýar Janǵozın.
Ol «Bolashaq» stıpendıattyń turýyna, tamaqtanýyna, medısınalyq saqtandyrýǵa, áýe jolyna, vızalyq tólemderine, oqý materıaldaryn satyp alýǵa ketetin shyǵyndaryn óteıtinin atap ótti. Bul qazaqstandyqtardyń múmkindikterin arttyrady, sonymen qatar búdjet qarajatyn aıtarlyqtaı únemdeıdi.
«Bolashaq» baǵdarlamasy boıynsha konkýrsqa qatysý úshin jetekshi sheteldik JOO-da oqý granty bar úmitkerler akademıalyq oqýǵa túskenin rastaıtyn qujattardyń kóshirmelerin tegin usynýy qajet. Grant akademıalyq oqýdyń barlyq kezeńin qamtýy kerek.