Memleket basshysy «Samuryq-Qazyna» aksıonerlik qoǵamynyń basqarma tóraǵasy Nurlan Jaqypovty qabyldady, dep habarlaıdy aqshamnews.kz.
Memleket basshysyna Nurlan Jaqypov qordyń bıylǵy birinshi jartyjyldyqtaǵy qyzmetiniń negizgi qorytyndylary jáne aldaǵy jumystarynyń josparyn tanystyrdy.
– basty óndiristik kórsetkishter josparǵa sáıkes atqarylyp otyr;
– Qordyń kirisi 7,9 trıllıon teńgeni qurady. Bul belgilengen jospardan 7 paıyzǵa artyq;
– Qor tikeleı sheteldik ınvestısıanyń katalızatoryna aınaldy.
Sonymen qatar munaı-gaz hımıasy, energetıka, kólik jáne logıstıka, mashına jasaý, sıfrlandyrý salalaryndaǵy jobalarǵa sheteldik seriktesterimen birlesip ınvestısıa quıady;
«Samuryq-Qazyna» tobynyń ınvestısıalyq portfelinde jalpy somasy 53,5 trıllıon teńge bolatyn 130-dan astam joba bar ekenin baıandady. Munaı-gaz, munaı hımıasy, energetıka, logıstıka salalarynda jáne taý-ken ónerkásibinde júzege asyrylatyn jobalar el ekonomıkasyna mýltıplıkatıvti áser etedi dep kútilýde;
Qordyń bıznestiń áleýmettik jaýapkershiligi aıasyndaǵy qaıyrymdylyq jobalary týraly málimet berdi: – jyl sońyna deıin elimizde 40 ońaltý ortalyǵyn ashý josparlanyp otyr.
Memleket basshysy ınvestısıalyq jáne áleýmettik jobalardy júzege asyrý, sondaı-aq Qor jumysyn odan ári jetildirý jóninde naqty tapsyrma berdi.