Memleket basshysy Reseı Prezıdentimen sóılesti
Qasym-Jomart Toqaev Vladımır Pýtındi Memlekettik Dýma Federaldy Jınalysynyń VIII shaqyrylymyna saılaý naýqanynyń sátti ótýimen quttyqtady, dep habarlaıdy Almaty-akshamy.kz Aqorda saıtyna silteme jasap.
- Saılaý nátıjesi Reseıdiń ishki saıası turaqtylyǵyn nyǵaıtý úshin asa mańyzdy, - dep esepteıdi Qazaqstan Prezıdenti.
Sonymen qatar Qasym-Jomart Toqaev Perm memlekettik ulttyq zertteý ýnıversıtetinde bolǵan qandy oqıǵanyń saldarynan adamdardyń qaza bolýyna baılanysty kóńil aıtty.
Áńgimelesý barysynda memleket basshylary Qazaqstan men Reseı arasyndaǵy saýda-ekonomıkalyq qatynastardyń qarqyndy damýyn oń baǵalap, Kókshetaýda 30 qyrkúıekte ótetin óńiraralyq yntymaqtastyq forýmynyń mańyzdylyǵyna jáne onyń mazmundy ári sapaly bolýyna basa nazar aýdardy.
Qazaqstan men Reseı basshylary 16-17 qyrkúıek kúnderi Dýshanbede ótken UQSHU men SHYU samıtteri aıasynda qol jetkizilgen ýaǵdalastyqtardy júzege asyrý úshin is-qımyldardy úılestirýge daıyn ekenderin naqtylady.