Prezıdentke «Astana» halyqaralyq qarjy ortalyǵynyń ınovasıalyq qarjy ónimderi men qyzmetterdi damytý, elimizdiń ınvestısıalyq tartymdylyǵyn arttyrý, sondaı-aq AHQO-nyń jańarǵan damý strategıasy aıasynda negizgi bıznes-seriktestermen ózara baılanys jumystary týraly málimet berildi, dep habarlaıdy Almaty-akshamy.kz Aqordaǵa silteme jasap.
Memleket basshysyna ornyqty qarjylandyrý quraldarynyń aıasyn odan ári keńeıtý jáne elimizdiń kómirsýtegi beıtaraptyǵyna jetý maqsatyn qarjylandyrýdy júzege asyrýdaǵy Ortalyqtyń róli jóninde baıandaldy. Qasym-Jomart Toqaev shetelden ınvestısıa tartý úshin qajetti ınfraqurylym quryp, jaǵdaı jasaýda, sondaı-aq qor naryǵy men el ekonomıkasyn damytýda AHQO-nyń mańyzdy ról atqaratynyn atap ótti.
Prezıdent Ortalyqtyń básekege qabilettiligin arttyrý qajettigine, sondaı-aq Transkaspıı halyqaralyq kólik dálizi sekildi mańyzdy ınfraqurylym jobalaryna aýqymdy ınvestısıa tartý úshin qolaıly jaǵdaı jasaý kerek ekenine nazar aýdarýdy tapsyrdy.